मुंबई, 21 जून, 2024 (महासागर): जागतिक आरोग्य सेवा क्षेत्राला अभूतपूर्व आव्हानाला सामोरे जावे लागत आहे. पात्र वैद्यकीय व्यावसायिकांची वाढती मागणी दिसून येते. जागतिक आरोग्य संघटनेच्या (डब्ल्यूएचओ) मते, 2030 पर्यंत जगभरात 15 मिलियनहून अधिक आरोग्य कर्मचाऱ्यांची कमतरता भासू शकते. अमेरिका आणि कॅनडासारख्या पारंपरिक गंतव्यस्थानांमध्ये वैद्यकीय शाळेच्या जागांसाठी स्पर्धा अभूतपूर्व उंची गाठत आहे. सुमारे 10,000 पेक्षा जास्त व्यक्तींसाठी 44.5 आरोग्य व्यावसायिकांची किमान आवश्यकता साध्य करण्यासाठी भारताने सुमारे 2 दशलक्ष अधिक डॉक्टर, परिचारिका आणि आरोग्यसेवा व्यावसायिकांची भर घालण्याची गरज असल्याचे अहवालात स्पष्ट केले आहे.
संख्या जोडणे ही एक साधी अपेक्षा आहे. परंतु ती साध्य करण्याकरिता शिक्षणासाठी औपचारिक मार्ग असणे आवश्यक आहे. या संदर्भात फिलिपिन्स एक उदयोन्मुख तारा म्हणून उदयास आला आहे. हे आग्नेय आशियाई राष्ट्र स्पर्धात्मक किंमतीत उच्च दर्जाच्या शिक्षणाच्या अद्वितीय संयोजनासह जगभरातील महत्वाकांक्षी डॉक्टरांना आकर्षित करत आहे. पाश्चिमात्य देशांच्या तुलनेत परवडणारे शिक्षण शुल्क लक्षणीयरीत्या कमी असणे, आंतरराष्ट्रीय करियरमध्ये सुरळीत संक्रमण सुनिश्चित करणारा अमेरिकेशी संलग्न अभ्यासक्रम आणि जागतिक स्तरावर मान्यताप्राप्त निवासी कार्यक्रमांचे मजबूत जाळ्यासह अनेक घटकांमुळे लोकप्रियतेत वाढ झाली आहे.
बहरती शिक्षण व्यवस्था
अमेरिकेच्या वसाहतवादी काळापासूनचा समृद्ध इतिहास लाभलेल्या फिलिपिन्सने वैद्यकीय शिक्षणात प्रचंड प्रतिष्ठा निर्माण केली आहे. फाउंडेशन फॉर अॅडव्हान्समेंट ऑफ इंटरनॅशनल मेडिकल एज्युकेशन अँड रिसर्च (FAIMER) आणि जागतिक आरोग्य संघटना (WHO) यासारख्या प्रतिष्ठित आंतरराष्ट्रीय संस्थांद्वारे फिलिपिन्सच्या वैद्यकीय शाळांना मान्यता देणे हा या व्यवस्थेचा पाया आहे. या मान्यता केवळ शिक्षणाच्या गुणवत्तेची पुष्टी करत नाहीत तर पदवीधरांना जगभरातील वैद्यकीय कारकीर्द करण्यासाठी दरवाजे देखील उघडतात.
शिवाय, फिलिपिन्समध्ये इंग्रजी माध्यमाचा अभ्यासक्रम आहे. जो जगभरातील विविध प्रकारच्या विद्यार्थ्यांना आकर्षित करणारा ठरतो. या भाषिक फायद्यापायी विद्यार्थी आणि प्राध्यापकांमध्ये अखंड संवाद आणि सहकार्य सुलभ करतो. शिकण्याचा अनुभव समृद्ध करतो. शिवाय, वैद्यकीय प्रशिक्षणावर भर दिल्यामुळे फिलिपिन्समधील वैद्यकीय शिक्षण वेगळे ठरते. वास्तविक जगाच्या आरोग्यसेवेतील त्यांच्या कौशल्यांचा सन्मान करून विद्यार्थी सुरुवातीलाच प्रत्यक्ष अनुभव मिळवतात. हा व्यावहारिक दृष्टीकोन केवळ त्यांची वैद्यकीय क्षमताच वाढवत नाही तर भविष्यातील कारकिर्दीसाठी आत्मविश्वास आणि तयारीची भावना देखील निर्माण करतो.
परवडणारे आणि मूल्य मिळवून देणारे:
युक्रेन-रशिया संघर्षानंतर, फिलिपिन्स हे महत्वाकांक्षी डॉक्टरांसाठी परवडणारे दीपस्तंभ म्हणून उदयास आले आहे. खरे तर, 15 वर्षांपासून परदेशात एमबीबीएस. शिकण्यासाठी फिलिपिन्स हे सर्वोच्च स्थान राहिले आहे. जगणे आणि वैद्यकीय अभ्यासक्रम पूर्ण करण्याची परवडणारी क्षमता हे एक मजबूत कारण आहे. पारंपरिक अंगाने तुलना करता, फिलिपिन्समधले खर्च अल्प वाटतात. फिलिपिन्समधील वैद्यकीय शाळांसाठीचे सरासरी शिक्षण शुल्क खरे तर विद्यार्थ्यांसाठी आर्थिकदृष्ट्या आकर्षक आणि व्यवहार्य आहे. शिष्यवृत्ती आणि त्यानुसार तयार केलेल्या इतर आर्थिक सहाय्य कार्यक्रमांची उपलब्धता देखील विद्यार्थ्यांवरील आर्थिक ताण कमी करण्यास मदत करते.
इच्छुक भारतीय विद्यार्थ्यांसाठी फिलिपिन्सने स्वीकारलेली धोरणे उत्साहवर्धक आहेत. या धोरणात 54 महिन्यांचा वैद्यकीय अभ्यासक्रम आणि एक वर्षाची इंटर्नशिप समाविष्ट होती. पूर्वी, फिलिपिन्सने प्री-मेड प्रोग्रामसह 4 वर्षांचा एमडी अभ्यासक्रम उपलब्ध करून दिला होता. परंतु आता, विद्यार्थ्यांनी 54 महिन्यांच्या अभ्यासक्रमाचे पालन करणे आवश्यक आहे. फिलिपिन्सचा सीएचईडी (फिलिपिन्सच्या समतुल्य उच्च शिक्षण विभाग) आणि पीआरसी (व्यावसायिक नियामक आयोग) परदेशी विद्यार्थ्यांना त्यांच्या विद्यमान वैद्यकीय कायद्यांतर्गत एक वर्ष इंटर्नशिपसह या अभ्यासक्रमाचे पालन करण्याची परवानगी देतात.
प्रवेशद्वार ते वैश्विक संधी
उत्तर अमेरिकेत प्रॅक्टीस करू इच्छिणाऱ्या डॉक्टरांसाठी, युनायटेड स्टेट्स मेडिकल लायसेंसिंग एक्झामिनेशन (यूएसएमएलई) हा एक महत्त्वाचा टप्पा आहे. निवासी पदे सुरक्षित करणे आणि शेवटी अमेरिकेत सराव करण्यासाठी आंतरराष्ट्रीय वैद्यकीय पदवीधरांनी (आयएमजी) या परीक्षांमध्ये उत्कृष्ट कामगिरी करणे आवश्यक आहे. युक्रेन, ऑस्ट्रेलिया आणि सिंगापूरसारख्या डेस्टीनेशनच्या तुलनेत, यूएसएमएलईच्या यशातील अपवादात्मक ट्रॅक रेकॉर्डमुळे फिलिपिन्स आयएमजीकरिता एक धोरणात्मक निवड म्हणून उदयास येते.
फिलिपिन्सच्या वैद्यकीय शाळांनी सातत्याने युएसएमएलई उत्तीर्ण होण्याचे प्रमाण गाठले आहे. जे अनेकदा जागतिक सरासरीपेक्षा अधिक मानले जाते. उदाहरणार्थ अलिकडच्या वर्षांत, चरण 1, चरण 2 सीके (क्लिनिकल नॉलेज) आणि चरण 2 सीएस (क्लिनिकल स्किल्स) परीक्षांचे उत्तीर्ण दर अनेक संस्थांमध्ये 90% पेक्षा जास्त झाले आहेत. अशी उत्कृष्ट कामगिरी विद्यार्थ्यांना कठोर लायसनिंग परिक्षांसाठी तयार करण्यात फिलिपिन्सच्या वैद्यकीय शिक्षणाची परिणामकारकता अधोरेखित करते.
शिवाय, फिलिपिन्सच्या पदवीधरांना अमेरिकेतील निवासी कार्यक्रमांच्या मजबूत जाळ्याचा फायदा होतो. अमेरिका कायमच कौशल्यपूर्ण व्यावसायिकांच्या शोधात असते. अमेरिकेतील अनेक प्रतिष्ठित रुग्णालये आणि आरोग्य सेवा संस्थांना फिलिपिन्सच्या वैद्यकीय शाळांमधील पदवीधरांना त्यांच्या निवासी कार्यक्रम स्वीकारण्याचा इतिहास आहे. यामुळे विद्यार्थ्यांना दिल्या जाणाऱ्या शिक्षणाच्या गुणवत्तेवरील आणि वैद्यकीय प्रशिक्षणावरील विश्वास प्रतिबिंबित होतो. ज्यामुळे जागतिक वैद्यकीय करियरसाठी एक लॉन्चपॅड म्हणून फिलिपिन्सचे स्थान अधिकच बळकट होते.
फिलिपिन्स कशासाठी?
भारताचा प्रवास जगातील तिसरी सर्वात मोठी अर्थव्यवस्था बनण्याच्या दिशेने होत असताना, विशेषतः वाढत्या लोकसंख्येच्या पार्श्वभूमीवर, आरोग्यसेवेच्या महत्त्वाला विनाकारण महत्त्व दिले जात आहे असे वाटत नाही. NEET परीक्षेसाठी 24 लाखांहून अधिक विद्यार्थ्यांनी नोंदणी केल्यामुळे वैद्यकीय शिक्षणाची मागणी स्पष्ट आहे. तथापि, सुमारे 12 लाखांहून अधिक पात्र विद्यार्थ्यांसाठी 1 लाखांहून अधिक जागा उपलब्ध असल्याने भारताच्या वैद्यकीय पायाभूत सुविधांमध्ये मोठी तफावत दिसते.
मोठे खर्च आणि भारतातील वैद्यकीय महाविद्यालयांमधील जागांची मर्यादित उपलब्धता यामुळे अनेक इच्छुक परदेशात जातात. जिथे शिक्षण अधिक परवडणारे आहे. विशेषतः परतल्यावर परदेशी वैद्यकीय पदवीधर परीक्षा (एफएमजीई) उत्तीर्ण होण्याच्या संदर्भात परदेशातील शिक्षणाचा दर्जा हा चिंतेचा विषय आहे.
भारताच्या अधिक डॉक्टरांची, विशेषतः ग्रामीण भागातील गरज पूर्ण करण्यासाठी, फिलिपिन्स एक आशादायक सहकारी म्हणून उदयास येत आहे. ज्यामुळे आरोग्यसेवा क्षेत्रातील आकांक्षा आणि संधी यांच्यातील दरी भरून निघते. परवडणाऱ्या दरात दर्जेदार शिक्षण घेऊ इच्छिणाऱ्या भारतीय विद्यार्थ्यांसाठी फिलिपिन्स एक आकर्षक उपाय देऊ करते. शिवाय, वैद्यकीय अभ्यासक्रमांमधील अलीकडील सुधारणांचा उद्देश परदेशात एमबीबीएससाठी सर्वोच्च डेस्टीनेशन म्हणून देशाचे आकर्षण आणखी वाढवणे हा आहे.
============================================
No comments:
Post a Comment