आता प्रत्येक घरात पोहोचतील हिऱ्यांचे दागिने - फायरफ्लाय

मुंबई (प्रतिनिधी): हिऱ्यांचे दागिने घालण्याची प्रत्येक व्यक्तीची इच्छा असते, पण आतापर्यंत भारतीय बाजारपेठेत हिऱ्यांच्या किमती एवढ्या वाढलेल्या होत्या की त्यांच्या या इच्छा पूर्ण होत नव्हत्या. आता भारतीय बाजारपेठेत लॅबमध्‍ये डिझाइन करण्‍यात येणाऱ्या हिऱ्यांच्या दागिन्यांचे जलद गतीने उत्पादन सुरू झाले आहे, जे प्रत्‍येक व्‍यक्तीला परवडणारे आहेत. 

आगामी धनत्रयोदशी आणि दिवाळी सणांच्या पार्श्वभूमीवर फायरफ्लाय ब्रँडने एक अनोखे कलेक्शन बाजारात आणले आहे. फायरफ्लाय कलेक्शनचे वैशिष्टय म्हणजे हे हिऱ्यांचे दागिने सर्वसामान्यांबरोबरच संपन्न व्यक्तींपर्यंत अशा सर्व व्यक्तींच्या बजेटमध्ये सहज बसतात. घाटकोपर येथील आर सिटी मॉलमध्ये शोरूमचे उद्घाटन करताना कंपनीचे सह-संस्थापक आयुष भन्साली म्हणाले की, या लॅब ग्रोन हिऱ्यांची गुणवत्ता इतकी चांगली आहे की लॅबमध्ये डिझाइन करण्‍यात येणारा हिरा आणि नैसर्गिक हिरा यामध्ये कोणताही फरक दिसून येत नाही. 

फायरफ्लायने प्रयोगशाळेत प्रीशियस गोल्डमध्ये हिऱ्यांचे दागिने बनवले आहेत, जे सर्वसामान्यांच्या बजेटमध्ये सहज बसू शकतात. कंपनीचे सह-संस्थापक आदित्‍य भन्साली म्हणाले की, कंपनीचा उद्देश आहे की पर्यावरणाला हानी न पोहोचवता लॅबमध्‍ये डिझाइन करण्‍यात येणारे हिऱ्यांचे दागिने प्रत्येक हिराप्रेमीला उपलब्ध करून द्यायचे आहेत, ज्यांची आजपर्यंत हिऱ्यांचे दागिने घालण्याची इच्छा होती. सर्वात चांगली गोष्ट म्हणजे फायरफ्लाय आधुनिक डिझाइन्स, फॅन्सी डिझाइन ज्वेलरी आणि लग्नासाठी व भेटवस्तू म्हणून देण्यासाठी रंगीत हिरे वापरून दागिने तयार करते.

‘कोण होणार हिटलर?’ या महाराष्ट्राला पडलेल्या प्रश्नाचे मिळाले ‘क्युट’ उत्तर! ‘मु. पो. बोंबीलवाडी’ मध्ये प्रशांत दामले साकारणार हिटलर

१ जानेवारी रोजी प्रदर्शित होणाऱ्या या चित्रपटाचे लेखन-दिग्दर्शन परेश मोकाशी यांचे तर निर्मिती मधुगंधा कुलकर्णी आणि श्री भरत शितोळे यांची

मुंबई (प्रतिनिधी): ‘कोण होणार हिटलर?’, या उभ्या महाराष्ट्राला पडलेल्या प्रश्नाचे उत्तर आता मिळाले आहे. ‘मु. पो. बोंबीलवाडी’ या १ जानेवारी २०२५ रोजी प्रदर्शित होणाऱ्या बहुप्रतीक्षित चित्रपटात हिटलर भूमिकेत आहेत, ज्येष्ठ व लोकप्रिय रंगकर्मी श्री प्रशांत दामले. तीन लागोपाठच्या चित्रपटांना राष्ट्रीय पुरस्कार मिळविणाऱ्या परेश मोकाशी यांचा हा चित्रपट असल्याने रसिकांमध्ये जी उत्कंठा लागून राहिली आहे, ती हिटलरच्या भूमिकेत प्रशांत दामले असल्याचे जाहीर झाल्याने आता दुपटीने वाढली आहे.

हरिश्चंद्राची फॅक्टरी, एलिझाबेथ एकादशी, वाळवी या चित्रपटांसाठी राष्ट्रीय पुरस्कारांच्या हॅट्रिकनंतर मधुगंधा कुलकर्णी आणि परेश मोकाशी घेऊन येत असलेल्या “मु.पो. बोंबिलवाडी”मधील हिटलरच्या भूमिकेमध्ये कोण आहे, हा लाखमोलाचा प्रश्न रसिकांना पडला होता. हिटलरचा शोध घेण्यासाठी खरे तर प्रेक्षकांचा कल घेण्यात आला आणि त्याला भरघोष  प्रतिसाद मिळाला. त्याशिवाय वैभव मांगले, प्रणव रावराणे, मनमीत पेम, सुनील अभ्यंकर, गीतांजली कुलकर्णी, रितिका श्रोत्री, अद्वैत दादरकर यांचीही नावे या स्पर्धेत पुढे होती. मात्र अंतिमतः शिक्कामोर्तब झाले ते, प्रशांत दामले यांच्या नावावर.

‘कोण होणार हिटलर?’ या प्रश्नावरील पडदा लेखक, दिग्दर्शक परेश मोकाशी, निर्माते मधुगंधा कुलकर्णी आणि विवेक फिल्मस्, मयसभा करमणूक मंडळी यांनी बुधवारी हॉटेल ऑर्किड येथे झालेल्या पत्रकार परिषदेत उघडला आहे. चित्रपटाचे लेखन -दिग्दर्शन परेश मोकाशी यांचे आहे.

हिटलरच्या भूमिकेबद्दल विचारले असता प्रशांत दामले म्हणाले, “मुळात हिटलर म्हटले की आपल्या डोळ्यासमोर एक आकृती येते, प्रकृती येते. मी माझ्या आयुष्यात असला हिटलर केला नाही आणि करणारही नाही. हे जे पात्र आहे त्याला हिटलर का म्हणावे हा प्रश्न पडावा असे हे पात्र आहे. ते करायला मिळावे आणि परेश व मधुगंधाबरोबर करायला मिळावे हे महत्वाचे. परेशबरोबर मी पहिल्यांदाच काम करत आहे. दिग्दर्शक कसा असावा तर तो असा असावा. तो एक अप्रतिम दिग्दर्शक आहे.”

आजच्या मराठी चित्रपटांबद्दल विचारल्यावर दामले म्हणाले, “मराठी चित्रपटांबद्दल काही मला फार गती नाही, नाटकांबद्दल विचारले तर मी सांगू शकेन. मी फार कमी चित्रपट केले आहेत. दिग्दर्शक सांगेल तसे काम करणे ही माझी प्रकृती आणि वृत्ती आहे. कोरी पाटी घेवून बसले की काम करायला सोपे जाते. यात वैभव मांगले आहे, माझा लाडका दिग्दर्शक अद्वैत परळकर या चित्रपटात अभिनय करतो आहे, त्यामुळे एक वेगळा आनंद हा चित्रपट करताना मिळतो आहे. नाटकातील सर्व मंडळी असल्याने नाटकाचेच चित्रीकरण करतोय की काय असा काय असा भास होतोय मला.”

चित्रपटाच्या निर्मात्या मधुगंधा कुलकर्णी म्हणाल्या, “आम्ही आत्तापर्यंत जेवढे चित्रपट केले त्यानिमित्ताने जेव्हा आम्ही लोकांना प्रीमियर किंवा इतर कार्यक्रमांच्या निमित्ताने भेटायचो तेव्हा लोक परेशला आवर्जून सांगायचे की, तुम्ही ‘बोंबीलवाडी’ नाटक परत आणा. माझेही हे आवडते नाटक आहे, कारण ती एक लाफ्टर राईड आहे. हळूहळू आम्ही जेव्हा याबाबत विचार करायला लागलो तेव्हा आम्हाला असे वाटायला लागले की, या नाटकावर चित्रपट का आणू नये? मग आम्ही ठरवले की या संकल्पनेचे चित्रपटीकरण करून त्याचा चित्रपट करायचा. त्यात आनंदाची बाब म्हणजे प्रशांत दामले यांनी हिटलरचे काम करायला हो म्हटल्यामुळे चित्रपटाचे मूल्य वाढले आहे. चित्रपट आपोआपच मोठा झाला. त्यांनी अप्रतिम काम केले आहे. यात प्रशांत दामले यांच्याबरोबरच वैभव मांगले, प्रणव रावराणे, मनमीत पेम, सुनील अभ्यंकर, गीतांजली कुलकर्णी, रितिका श्रोत्री, अद्वैत दादरकर हे कसलेले कलाकार आहेत, त्यामुळे एक चांगली भट्टी जमून आली आहे. त्यांचे अभिनय उत्तम झाले आहेत. ही एक धमाल लाफ्टर राईड झाली आहे.”

हिटलरच्या निवडीबाबत बोलताना लेखक-दिग्दर्शक परेश मोकाशी म्हणाले, “आमचा हिटलर कसा असावा याबाबत चर्चा सुरु होती. हिटलर म्हणजे क्रूर, जगज्जेता, कठोर अशी त्याची प्रतिमा आहे. पण नाटकाचा फार्सिकल बाज पाहता, आमचा हिटलर ‘क्युट’ असावा अशी एक टूम निघाली. आता क्युट हिटलर कोण, असा प्रश्न आल्यावर महाराष्ट्रात क्युट म्हणून ज्याची ओळख आहे, असे एकाच नाव पुढे आले आणि ते म्हणजे प्रशांत दामले. नाटकामधून या कथेचे चित्रपटात रुपांतर होताना जे बदल झाले, मग त्यात वयोगट आला, आज त्या भूमिकेसाठी कोण योग्य आहे, याबद्दल चर्चा झाली. त्यातून मग कलाकारांची निवड झाली आणि ती चपखल आहे. त्यातून ही कलाकर मंडळी त्या त्या पात्रांमध्ये अगदी फिट्ट बसली आहेत, आणि ते तुम्ही पहालच.”

प्रशांत दामले यांनी हिटलर कसा दिला आहे, असे तुम्हाला वाटते, असे विचारले असता, मोकाशी म्हणाले, “हा प्रश्न मला खरेतर खऱ्या हिटलर विचारावासा वाटतो, की ‘काय रे तुझे जमले आहे का? तुला असे वगायाला जमेल का आयुष्यात.”

चित्रपटाचे निर्माते विवेक फिल्म्सचे श्री भरत शितोळे म्हणाले, “फिल्म निर्मिती क्षेत्रात आलो आणि ठरवले की मराठी व हिंदी चित्रपट करायचे. पण नेमका कोणता चित्रपट करायचा वगैरे विचारात असताना परेशजी आणि मधुगंधाजींनी ‘मु. पो. बोंबीलवाडी’चा विषय सांगितला. कथा ऐकताचक्षणी मला वाटले की, विवेक फिल्म्सनी या चित्रपटानेच सुरुवात करायला हवी. त्यानिमित्ताने विवेक फिल्म्स आणि मयसभा एकत्र आलो. आम्हाला परेश मोकाशी व मधुगंधाजी यांच्याबरोबर काम करण्याचा अनुभव खूप चांगला होता. बरेच काही शिकता आले त्यांच्याकडून. परेशजी हिटलरच्या भूमिकेमध्ये प्रशांत दामलेजीसाठी आग्रही होते. प्रशांत दामलेजी जेव्हा त्या गेटअप मध्ये आले तेव्हा वाटले की, परेशजींची व्हिजन बरोबर आहे. इतका परिपूर्ण आणि क्युट हिटलर दुसरा असूच शकत नाही. आम्ही यापुढेही एकत्र काम करत राहू.”

हा चित्रपट प्रेक्षकांनी का पहावा, असा प्रश्न विचारला असता मोकाशी यांनी मिश्कील उत्तर दिले आहे. “आजकाल व्यायाम नीट होत नाही, त्यामुळे फुप्फुसानाही व्यायाम होत नाही. ‘मुक्काम पोस्ट बोंबीलवाडी’ एवढा हसवतो की त्यामुळे फुप्फुसांना खूप व्यायाम होतो. हे चित्रपट पाहण्याचे आरोग्यदायी कारण आहे.”

डॉ. महालक्ष्मी वानखेडकर यांचे अद्वितीय सूक्ष्म कागद कात्रण कला प्रदर्शन,दि. १५ ते २१ ऑक्टोबर, २०२४ दरम्यान नेहरू सेंटर मध्ये

मुंबई (प्रतिनिधी): मुंबई स्थित आंतरराष्ट्रीय दर्जाची कलाकार, शास्त्रज्ञ, लिमका बूक ऑफ रेकॉर्ड धारक डॉ. महालक्ष्मी के. वानखेडकर यांच्या अद्वितीय अशा सूक्ष्म कागद कात्रण कलाकृतींचे प्रदर्शन मुंबईत वरळी येथील प्रसिद्ध नेहरू सेंटर कलादालनात दि. १५ ते २१ ऑक्टोबर, २०२४ या दरम्यान आयोजित केले आहे. या प्रदर्शनाचे उद्घाटन दि. १५ ऑक्टोबर रोजी सायंकाळी ४ वाजता विविध क्षेत्रातील मान्यवरांच्या हस्ते होणार आहे. 

स्वत:च्या तल्लख मेंदूने आणि निपुण कलेने निसर्गाचे पुनरुज्जीवन करणाऱ्या डॉ. महालक्ष्मी वानखेडकर ह्या जन्मजात निसर्गप्रेमी आहेत. त्या सर जे.जे. स्कूल ऑफ आर्ट्सच्या माजी विद्यार्थिनी आहेत त्या जंगल पक्षी आणि कीटक यांची अविश्वसनीय वास्तववादी आणि अद्वितीय 3D कागद कात्रण कला करतात. सध्याच्या प्रदर्शनात शृंगी घुबड, फ्लेमिंगो, पॅराडाईज, हमिंग किंगफिशर, हिमालयन मोनल, ग्रे पीकॉक, निकोबार कबूतर, फ्रूट डव्ह, मंडेरियन डक आणि विविध पक्ष्यांच्या अनेक कलाकृती पहायला मिळतील. 

डॉ. महालक्ष्मी वानखेडकर यांनी साकारलेली सर्वात लहान कलाकृती ८ सेमी * १० सेमी आणि सर्वात मोठी ७० सेमी + १२० सेमी आहे. २००७ मध्ये चीनमध्ये झालेल्या जागतिक आंतरराष्ट्रीय कलाप्रदर्शनात एअर इंडियाने त्यांना भारतातर्फे "भारतीय कला आणि संस्कृती" यासाठी प्रायोजित केले होते. २००५ मध्ये त्यांनी वर्ल्ड ट्रेड सेंटर येथे सूक्ष्म कागद कात्रण कला याचे प्रदर्शन आयोजित केले होते. २०१६ मध्ये "लिम्का बुक ऑफ रेकॉर्ड्सने" त्यांच्या नावाची नोंद "क्वीन ऑफ टाइनी अँड मायक्रो कटिंग पेपर आर्ट इन बर्ड्स" करण्यात आली. 

साधारणपणे, शिल्पकलेची कल्पना करताना कागद हे अनुकूल माध्यम वाटत नाही, तरीही त्यांनी कागदी कलाकृती वास्तववादी बनविल्या आहेत. पांढऱ्या शुभ्र कागदांवर विविध रंग, आकार आणि पोत यांच्या अद्भुत प्रक्रिया निर्मिती मधून निसर्गनिर्मित पक्षी व जंगल यामध्ये त्यांनी रूपांतरित केल्या आहेत. त्या एका इंचात जवळजवळ दीडशे कात्रण करतात. उत्कृष्ट कल्पना, सृजनशीलता आणि वास्तविकता यांचा अद्वितीय संगम त्यांच्या या कलाकृतींमध्ये दिसून येतो. 

डॉ. महालक्ष्मी यांना वास्तववादी कागद कलेमध्ये दुर्मिळ प्रतिभा आहे. निसर्गप्रेमी असल्याने  निसर्गाची ओढ आहेच आणि निसर्गाचे जतन आणि संवर्धन करण्यासाठी त्यांच्या अथक प्रयत्नांमधील हा एक प्रयत्न सुरू आहे. एक कलाकार म्हणून काहीतरी अनन्य करण्याचे त्यांनी ध्येय ठेवले होते. त्यांनी त्यांच्या स्वप्नाचा पाठपुरावा केला आणि कागद कात्रण कलेला एक संपूर्ण नवीन आयाम आणि अत्याधुनिक धार दिली. त्यांच्या निर्मितीमध्ये निसर्गाच्या जवळ जाण्याचा प्रयत्न केला आहे, परंतु त्यांना असे वाटते की ती फक्त १ टक्का जुळू शकते. कारण हे विश्व, हा निसर्ग अद्भुत उर्जेने निर्माण झालेला आहे, ज्यात शास्त्र आणि अध्यात्म याचा संगम आहे आणि मानव तिथपर्यंत पोहोचू शकतच नाही. परंतु तरीही कागदातून जेव्हा या कलाकृती पूर्णत्वाला येतात तेव्हा एक आत्मिक समाधान होते. या कलाकृती खरंच अतुलनीय आहे. त्यांचा संयम आणि चिकाटी, त्यांच्या इच्छाशक्तीसह, त्यांना सर्वात लहान तपशील पूर्ण करण्यास प्रवृत्त करते. पेपर कटिंगमधील त्यांचे तपशील इतके अचूक आहेत की कागदाचा प्रत्येक स्ट्रँड केसांसारखा पातळ आहे. ही अचूकता त्यांनी तयार केलेल्या पक्ष्यांच्या पंखांमध्ये दिसून येते, ज्यामुळे ते जवळजवळ वास्तविक दिसतात. कागदामध्ये स्वतःची उर्जा आणि जीवन आहे यावर विश्वास ठेवून त्या जे काही करतात ते नैसर्गिकरित्या होऊ देतात. प्रत्येकाला आपले सौंदर्य व्यक्त करण्याची मुभा आहे ते व्यक्त होऊ द्यावे आपण त्याच्यावर संस्कार करण्याचा प्रयत्न करावा यावर त्यांचा विश्वास आहे. निसर्ग म्हणजे सर्व सजीव सृष्टीसाठी असणारे बूस्टर. या विश्वातील या पृथ्वीवरील सजीव सृष्टीतील सर्वात महत्त्वाचा घटक म्हणजे हे पक्षी. जर हा मूळ घटक या सृष्टीत नसतील तर हे पंचतत्व पूर्णपणे ढासळेल त्याचे असंतुलन होईल म्हणून हे पक्षी संवर्धन आणि संरक्षण करणे आवश्यक आहे. यासाठी प्रेरित व्हावे आणि त्यातून निसर्गाशी जवळीक व्हावी म्हणून त्यांच्या प्रकल्पातील पक्ष्यांच्या या कलाकृतींची अद्वितीय निर्मिती केली आहे.

लातूरचे चित्रकार अभिजीत बी. लामतुरे यांच्या अमूर्त चित्रांचे प्रदर्शन दि. १४ ते २० ऑक्टोबर, २०२४ दरम्यान, मुंबईच्या हिरजी जहांगीर आर्ट गॅलरीत

मुंबई (प्रतिनिधी): शैक्षणिक क्षेत्रात नावलौकीक मिळवलेल्या लातूर जिल्हयातील निलंगा तालुक्यातील कोकळगांव येथील अभिजीत बी. लामतुरे या नवख्या चित्रकाराचे अमूर्त चित्राचे प्रदर्शन मुंबई येथील हिरजी जहांगीर आर्ट गॅलरी, महात्मा गांधी रोड, काळा घोडा, मुंबई येथे दि. १४ ऑक्टोबर ते २० ऑक्टोबर, २०२४ पर्यंत सकाळी ११ ते सायकाळी ७ या वेळेत सुरु रहाणार आहे. चित्रकार अभिजीत लामतुरे यांचे प्राथमिक शिक्षण नगरपालीका लातूरच्या शाळेत, माध्यमिक शिक्षण श्री देशीकेंद्र विद्यालय लातूर, चित्रकलेचे शिक्षण चित्रकला महाविद्यालय लातूर तसेच भारती विद्यापीठ पुणे, अभिनव कला महाविद्यालय पुणे व जे.जे. स्कूल ऑफ आर्ट मुंबई येथे झाले. 

ज्याला अस्तित्व नाही, त्याची कल्पना करून कॅनव्हासवर चित्रात मांडणे म्हणजे 'अमूर्त कला" अशी व्याख्या करता येते. साधारणत: स्ट्रोक, शेप, संरचना रंगफार्म, उद्देश आणि समझ भिन्न असल्याने त्या चित्रांमध्ये दिसणारे अर्थ असंख्य असतात. मानवी बुद्धीला ज्ञात असलेल्या सर्व आकारांना काहीना काही संज्ञा आहेत. ब्रम्हांडाच्या अवकाशात असंख्य आकार दृश्य स्वरूपात अस्तित्वात आहेत. त्याची उत्पत्ती एका बिंदूपासून अनेक बिंदू एकत्र येवून झालेली आहे. याला संज्ञा नाही. म्हणून अमूर्त आहेत.

बिंदुपासून जन्माला येणारा महाप्रचंड तारा तुटतो, तेव्हा प्रचंड ऊर्जा उत्सर्जीत करतो, तेव्हा त्याचे कृष्णवीवर तयार होते, हे कृष्णविवर म्हणजे भलामोठा बिंदूतून उत्पन्न झालेला अमूर्त आकार होय. चित्रकार अभिजीत बी. लातूर यांनी पृथ्वी, आप, तेज, वायु, आणि आकाश या पंचमहाभूतांनी - बनलेल्या सौंदर्यसृष्टीतल्या सर्व ज्ञात व अज्ञात आकाराच्या उत्पत्ती मागील मुळ गाभा असलेल्या बिंदूत्वाचा शोध चित्रांमध्ये घेऊन बिंदू, रेषा, आकार, रंग, पोत या पाच तत्वापासून नवनवीन प्रतिमाने निर्माण केलेली आहेत. ज्येष्ठ चित्रकार वासुदेव गायतोंडे, प्रभाकर कोलते, अकबर- पदमसी यांचा वसा व प्रेरणा घेवून चित्रकार अभिजीत लामतुरे यांनी ही अमूर्त चित्राकृती साकारली आहे. त्यांचे हे चित्रप्रदर्शन रसिकांना २० ऑक्टोबरपर्यन्त विनामूल्य पाहता येईल.

ग्रेस ब्युटी सलोन आयोजित “मिसेस मुंबई टॅलेंट शो” स्पर्धा रसिकांच्या उत्स्फूर्त प्रतिसादात संपन्न

मिसेस प्रियंका देवरुखकर “मिसेस मुंबई – 2024” ची विजेती ठरली

मुंबई (प्रतिनिधी):मुंबईतील महिलांच्या आत्मविश्वास, कला, आणि प्रतिभेला सन्मान देणारी तसेच महिलांच्या कलागुणांना वाव देण्यासाठी आयोजित करण्यात आलेली ‘मिसेस मुंबई टॅलेंट शो’ स्पर्धा नुकतीच गोरेगाव, मुंबई येथे रसिकांच्या उत्स्फूर्त प्रतिसादात पार पडली. या स्पर्धेत मिसेस प्रियंका अमेय देवरुखकर ही “मिसेस मुंबई – २०२४ ची प्रथम विजेती ठरली. मिसेस बीना मेहता ही दुसरी विजेती तर मिसेस जिगना गाला ही तिसरी विजेती ठरली. याप्रसंगी फॅशन, मॉडेलिंग तसेच सिनेक्षेत्रातील अनेक मान्यवर उपस्थित होते. विजेत्यांना मान्यवरांच्या हस्ते पुरस्कार देऊन सन्मान करण्यात आला. ग्रेस ब्युटी सलोन आयोजित “मिसेस मुंबई टॅलेंट शो” चे आयोजन डॉ. स्मिता नगरकर व गौरी कावले यांनी केले होते. ज्या महिलांना लहानपणापासून जी स्वप्न असतात, ज्यांना मॉडलिंगची हौस असते, क्राऊन हवा असतो, प्रत्येकीला वाटते की हे आपलं स्वप्न पूर्ण व्हावं, आपलं टॅलेंट लोकांसमोर यावं, अशा खास महिलांसाठी या स्पर्धेचं आयोजन केले होते. या कार्यक्रमाचा उद्देश हाच की त्यांना रंगमंच भेटावा, त्यात वयाचे व सुंदरतेचे बंधन नाही, फक्त तुमचा कॉन्फिडन्स आणि टॅलेंट यामध्ये बघितला जाईल हा एकच उद्देश ठेवून हा टॅलेंट शो चे आयोजन डॉ. स्मिता नगरकर व गौरी कावले यांनी केले होते. या स्पर्धेत ३० ते ६५ वयोगटातील २५ महिलांनी भाग घेतला होता. त्यांचे प्रशिक्षण फॅशन व मॉडेलिंग क्षेत्रातील मान्यवरांकडून करून घेण्यात आले होते. 

“मिसेस मुंबई – २०२४” या स्पर्धेत मिसेस सुवर्णा मंगेश जाधव (चार्मिंग दिवा), मिसेस स्मिता मखवाना (क्वीन ऑफ ब्युटी), मिसेस अनुश्री मारू (फॅब्यूलस ब्युटी), मिसेस वृशाली प्रकाश आभाळे (रॉयल ब्युटी), मिसेस मृणाल मंगेश (टाइमलेस ब्युटी), मिसेस मेघा (ग्रेसफूल क्वीन), मिसेस सीमा गिडकर (ब्यूटीफूल स्माइल), मिसेस इशिका इजिनियर  (ब्यूटीफूल आइज), मिसेस वंदना प्रवीण गांगूर्डे (स्टार ऑफ बॉडी पॉजिटिव), मिसेस प्रियंका खांडेलवाल (रेडीयंट स्कीन), मिसेस ज्योती प्रशांत शार्दुल (स्टार ऑफ एलिगन्स), मिसेस तिलोत्तमा इंगळे (ग्लॅमर लुक), मिसेस आरती विशाल घाग (लवली हेयर), मिसेस विद्या क्षीरसागर (एम्प्रेस्स ऑफ ब्युटी) हे पुरस्कार देऊन गौरविण्यात आले. या कार्यक्रमाचे परीक्षक हेअर आर्टिस्ट हरीश भाटिया, मेकअप आर्टिस्ट अमोल जोशी, क्लासिकल डान्सर विद्या श्रीराम हे होते. लवकरच मिसेस मुंबई सीजन ३ चे आयोजन करण्यात येणार असून विविध क्षेत्रातील तसेच वयोगटातील महिलांनी सहभागी व्हावे, असे आवाहन आयोजक डॉ. स्मिता नगरकर यांनी केले आहे.

मेस्ट्रो रिअलटेक आणि जीएस ग्रुपने वाघोली हाय स्ट्रीट लाँच करण्यासाठी भागीदारी धोरण : महत्त्वाचा व्यावसायिक प्रकल्प जो पूर्व पुण्याच्या कमर्शियल इस्टेटला नवीन देईल ओळख

पुणे, मुंबई, ऑक्टोबर ०९, २०२४ (प्रतिनिधी): मेस्ट्रो टेकने प्राइम वाघोली लिंक रोडवर असलेला वाघोली हाय स्ट्रीट हा नवीनतम व्यावसायिक प्रकल्प सुरू करण्यासाठी GS समूहासोबत आपली धोरणात्मक भागीदारी जाहीर केली. पुण्यातील सर्वाधिक मागणी असलेल्या बाजारपेठेत ऐतिहासिक व्यावसायिक विकास करणे हा या समर्थनाचा उद्देश आहे, ज्यामुळे परिसराचा सर्वांगीण विकास आणि वाढ होईल.

वाघोली हाय स्ट्रीट, वाघोली लिंक रोड 5.5 एकर विस्तीर्ण क्षेत्रात पसरलेला आहे आणि त्यात पाच टॉवर आहेत, जे दुकाने, शोरूम आणि कार्यालयांसह विविध व्यावसायिक जागा प्रदान करतात. व्यवसायाच्या विस्तारासाठी आणि वाढीसाठी उत्साही वातावरण देण्यासाठी ही योजना तयार करण्यात आली आहे. यात एक विस्तृत हाय स्ट्रीट, योग लाउंज, बिझनेस लाउंज, गेमिंग झोन, को-वर्किंग स्पेस आणि कॅफे यासारख्या अत्याधुनिक रूफटॉप सुविधा आहेत, ज्यामुळे ते एक खरे प्रीमियम बिझनेस डेस्टिनेशन बनले आहे.

आपला उत्साह व्यक्त करताना,मेस्ट्रो रिअलटेकचे संस्थापक आणि व्यवस्थापकीय संचालक नितीन गुप्ता म्हणाले, “पुणे भारताच्या वाढीमध्ये आघाडीवर आहे आणि त्याच्या वाढीला समर्थन देण्यासाठी जागतिक दर्जाच्या नियामक धोरणांची कठोर अंमलबजावणी करत आहे. आहा. वाघोली हाय स्ट्रीट सुरू करण्यासाठी जीएस ग्रुपशी संलग्न होणे हा एक मोठा सन्मान आहे. हा प्रकल्प विदर्भातील रिअल इस्टेट क्षेत्रात मैलाचा दगड ठरेल, ज्यामुळे व्यवसायासाठी आणि शहराच्या सर्वांगीण विकासासाठी मोठे मूल्य निर्माण होईल.

महेश सातव, संस्थापक आणि व्यवस्थापकीय संचालक, जीएस ग्रुप म्हणाले, "पुणे हे एक प्रमुख शहर म्हणून विकसित होत असताना, या प्रदेशाच्या अधिक विकासासाठी आणि समृद्धीसाठी आमचा असाधारण प्रकल्प प्रस्तावित आहे याची खात्री करणे ही आमची व्यावसायिक जबाबदारी आहे." व्यवसाय, उद्योजक आणि व्यावसायिकांसाठी एक आदर्श स्थान प्रदान करण्यासाठी डिझाइन केलेले केळे देखील स्थापित करा.”

पुण्याचे पूर्वेकडील हब असलेल्या वाघोली लिंक रोडच्या बाजूला ही योजना आहे

-कनेक्टिव्हिटी आणि कनेक्टिव्हिटी: आगामी मेट्रो मार्ग, तीन मजली उड्डाणपूल, रिंग रोड आणि 120 फूट वाघोली लिंक रोड यांसारख्या प्रस्तावित पुनर्निर्मिती योजनेचा या परिसराला फायदा होईल.

- प्रमुख IT हबशी जवळीक: प्रकल्पात खराडी EON IT पार्क आणि वर्ल्ड ट्रेड सेंटर सारखे IT हब क्षेत्र आहेत.

-एक्सप्रेस प्रवेश: जवळील समृद्धी एक्सप्रेस कनेक्टिव्हिटी आणि वाहतूक मार्गांचा उत्कृष्ट प्रवेश व्यवसाय आणि व्यावसायिकांसाठी स्थान आदर्श बनवतो.

-गुंतवणुकीची संधी: वाढती पायाभूत सुविधा आणि धोरणात्मक स्थान गुंतवणूकदारांसाठी आकर्षक आहे, ज्यामध्ये कार्यालये, स्वयंपूर्ण जागा आणि बुटीक शोरूम आहेत. किंवा करारासह, गुंतवणूकदार 2x गुळगुळीत वाढ आणि उत्कृष्ट उच्च ROI ची अपेक्षा करू शकतात.

वाघोली प्रकल्पाची दुकाने, को-वर्किंग मशिन्स आणि व्यावसायिक व्यावसायिक दुकाने विविध आकार आणि कॉन्फिगरेशन ऑफर करतात, सर्व प्रकारच्या तंत्रज्ञान आणि व्यावसायिक गरजा पूर्ण करतात. त्याचे स्थान, डिझाइन आणि त्याच्या अनोख्या जोडीमुळे, वाघोली हाय स्ट्रीट हे पुण्याच्या बाजारपेठेतील प्रवाश्यांना मार्केटिंगसाठी एक पसंतीचे ठिकाण बनले आहे.

वाघोली हाय स्ट्रीट प्रकल्प सर्व प्रकारच्या व्यावसायिक मालमत्तेच्या गरजा पूर्ण करून दुकाने, सहकारी जागा आणि व्यावसायिक क्षेत्रे विविध आकार आणि कॉन्फिगरेशनमध्ये ऑफर करतो. स्थान, डिझाईन आणि सुविधांच्या अद्वितीय मिश्रणासह, वाघोली हाय स्ट्रीट हे पुण्यातील प्रीमियम व्यावसायिक मालमत्तांसाठी जाण्याचे ठिकाण बनणार आहे.

मेस्ट्रो रिअलटेक  बद्दल:

मेस्ट्रो रिअलटेक ची स्थापना नितीन गुप्ता यांनी केली आहे, 18+ वर्षांचा अनुभव असलेले एक उत्कट रिअल इस्टेट व्यावसायिक. ज्ञान-आधारित आणि परिणाम-आधारित रिअल इस्टेट सोल्यूशन्स प्रदान करण्याच्या त्याच्या इच्छेमुळे त्याला रिअल इस्टेट इकोसिस्टममध्ये वास्तविक फरक करण्यासाठी मेस्ट्रोची स्थापना करण्यास प्रवृत्त केले.

प्रभावी रिअल इस्टेट व्यवसाय उपायांसाठी मेस्ट्रो रियलटेक हे अंतिम गंतव्यस्थान आहे. कंपनी एक ज्ञान-चालित आणि विश्वासार्ह धोरणात्मक भागीदार आहे, जी रिअल इस्टेट विकासक आणि जमीन मालकांना सर्वसमावेशक समर्थन प्रदान करते. ज्ञान आणि कौशल्याचा लाभ घेण्याची त्यांची वचनबद्धता हे सुनिश्चित करते की ग्राहकांना त्यांच्या रिअल इस्टेट प्रयत्नांच्या प्रत्येक टप्प्यावर सर्वात माहितीपूर्ण आणि प्रभावी उपाय मिळतात, विकास धोरणे ते भूसंपादन ते व्यवसाय विस्तार, विक्री, विपणन आणि CRM पर्यंत, ते एक संपूर्ण पॅकेज प्रदान करतात उपायांचे. वेग विक्रीमधील त्याच्या कौशल्यासह, ग्राहकांची विक्री जलद आणि प्रभावीपणे वाढवणे हे त्याचे प्राथमिक ध्येय आहे.

याव्यतिरिक्त, कंपनी आपल्या ग्राहकांसाठी महत्त्वपूर्ण नफा आणि उल्लेखनीय रोख प्रवाह सुनिश्चित करण्यासाठी अत्याधुनिक तंत्रज्ञान, डेटा विश्लेषण आणि बाजार-चालित पध्दतींचा लाभ घेते.

अर्थपूर्ण प्रभाव पाडण्याची मोहीम त्यांच्या ध्येयाच्या केंद्रस्थानी आहे. उत्कट व्यावसायिकांच्या नेतृत्वात, तिच्या सर्व भागधारकांसाठी मूल्य निर्माण करणारी, प्रगतीशील आणि वाढ-केंद्रित संस्था बनण्याची माएस्ट्रोची आकांक्षा आहे. मेस्ट्रो रिअलटेकची दृष्टी रिअल इस्टेट उद्योगात दीर्घकालीन मूल्य जोडण्याची आहे. भारतातील अग्रगण्य रिअल इस्टेट ब्रँड बनण्याचे त्यांचे ध्येय आहे, ऑपरेशनच्या सर्व पैलूंमध्ये नवीन मानके स्थापित करणे आणि त्याद्वारे अधिक सद्भावना मिळवणे. व्यवसायांवर कायमस्वरूपी प्रभाव निर्माण करणे, नफा वाढवणे, टर्नअराउंड टाइम कमी करणे, प्रभावी मार्केटिंग धोरणे अंमलात आणणे, मजबूत ब्रँड तयार करणे आणि शेवटी रिअल इस्टेटच्या यशोगाथेमध्ये योगदान देणे ही कंपनीची उद्दिष्टे आहेत. तुमचा भागीदार म्हणून मेस्ट्रो रिअलटेक  सह, तुम्ही रिअल इस्टेट क्षेत्रात संपूर्ण 360° व्यवसाय परिवर्तन, वाढ आणि समृद्धीची अपेक्षा करू शकता.

अधिक माहितीसाठी वेबसाइटला भेट द्या: https://maestrorealtek.com/

 

शॉपर्स स्टॉप’च्या वतीने आकर्षक फॅशन शो आणि नृत्य सादरीकरणासह 'गिफ्ट्स ऑफ लव्ह' या फेस्टिव्ह कलेक्शनचे अनावरण

मुंबई, 8 ऑक्टोबर 2024 (Mahasagar):-  भारतातील सर्वोच्च फॅशन, सौंदर्य आणि भेटवस्तू अशा सर्वच घटकांचे गंतव्य म्हणून लोकप्रिय असलेल्या शॉपर्स स्टॉपने अलीकडेच त्याची 'गिफ्ट्स ऑफ लव्ह' संकल्पना आणि लोगोचे अनावरण करून उत्सवी वातावरणाचा उत्साह द्विगुणित केला आहे. 

सेलिब्रिटी स्टायलिस्ट एडवर्ड लालरेम्पुयाने शैलीबद्ध केलेले आणि मार्क रॉबिन्सनने एका चित्तवेधक फॅशन शोद्वारे जिवंत केलेले, फेस्टिव्ह कलेक्शन प्रत्येकासाठी काहीतरी उपलब्ध करते. यामधून उत्सवाची भावनांचे पुरेपूर दर्शन घडते. 

फॅशन शो नंतर दिवाळी उत्सवाच्या आनंदमय उर्जेचे मूर्त स्वरूप असलेले एक उत्साहवर्धक नृत्य सादरीकरण करण्यात आले. या कार्यक्रमाने दिवाळीच्या परिपूर्ण उत्सवासाठी मंच तयार केला. ज्यात फॅशन, करमणूक आणि विशेष प्रस्ताव एका अद्वितीय आणि तल्लख अनुभवात एकत्र बांधण्यात आले.

"शॉपर्स स्टॉप हे भेटवस्तू आणि फॅशनचे अंतिम ठिकाण आहे. विविध श्रेणींमध्ये प्रेरणा, कल आणि मूल्यांसाठी ग्राहक आमच्यावर अवलंबून असतात. शॉपर्स स्टॉपवर, प्रत्येकजण या सणासुदीला आवडतील अशा अनेक श्रेणींमधील सर्वोत्तम ब्रँडसह विविध प्रकारच्या प्रस्तावांसह आम्ही आमची संकल्पना, गिफ्ट्स ऑफ लव्ह’वर खरे उतरू शकतो. त्याव्यतिरिक्त, शॉपर्स स्टॉपवर, ग्राहक खरेदीच्या अखंड अनुभवाची अपेक्षा करू शकतात. जे ग्राहक प्रथम दृष्टिकोनाप्रती आमची बांधिलकी प्रतिबिंबित करते. हीच गोष्ट यंदाच्या दिवाळीत आपल्याला मुलखावेगळी ठरवणार आहे.” ही माहिती कवींद्र मिश्रा, कस्टमर केअर असोसिएट, शॉपर्स स्टॉपचे व्यवस्थापकीय संचालक आणि सीईओ यांनी दिली.

प्रत्येक सण-उत्सवाचे औचित्य साधून पोशाख सादर करून, सणासुदीच्या काळातील संग्रहात समकालीन आणि पारंपरिक शैलींचे अखंडपणे मिश्रण केले जाते. ऑफिस मेजवानीसाठी किंवा घरगुती स्नेहभोजन प्रसंगी योग्य अशा कॉकटेल पोशाखांपासून ते घरच्या किंवा कौटुंबिक जेवणाच्या पूजेसाठी भरतकाम केलेले कुर्ते आणि लेहंग्यांपर्यंत, हा संग्रह आधुनिक खरेदीदार लक्षात ठेवून उत्सवाचा उत्साह साजरा करतो. स्टेटमेंट अॅक्सेसरीजसह आपल्या रुबाबात भर टाका किंवा मोहक कानातले तसेच आकर्षक वॉलेटसोबत परिपूर्ण भेट शोधा- सर्व एकाच छताखाली उपलब्ध आहेत.

कॅल्विन क्लेन, मायकेल कॉर्स, बिबा, व्हॅलेंटिनो, अरमानी एक्सचेंज, गेस आणि वर्साचे यासारख्या 500 हून अधिक प्रीमियम ब्रँडसह, शॉपर्स स्टॉप या दिवाळीला स्टायलिश आणि सहज अशा दोन्ही प्रकारच्या भेटवस्तू देते. नवीन संग्रहामध्ये कपडे, अॅक्सेसरीज आणि बरेच काही यासारख्या श्रेणींमध्ये विविध प्रकारच्या फॅशन आणि भेटवस्तू पर्यायांचा समावेश आहे. मग तो आकर्षक अरमानी एक्सचेंज पोशाख असो, स्टायलिश गेस घड्याळ किंवा प्रतिष्ठित वर्साचे अॅक्सेसरी असो, शॉपर्स स्टॉपमध्ये प्रत्येकासाठी काहीतरी आहे.

तुम्ही ऑनलाइन किंवा स्टोअरमध्ये खरेदी करण्यास प्राधान्य देत असलात तरीही, शॉपर्स स्टॉप 112 शॉपर्स स्टॉप स्टोअर्समध्ये आणि 50 हून अधिक शहरांमध्ये अखंड खरेदीचा अनुभव देते. तुमच्या जवळ असलेल्या दालनाला भेट द्या किंवा www.shoppersstop.com वर ऑनलाइन खास ऑफर पहा.